UYUSHMA A’ZOLIGIGA TAKLIF (BEPUL, JAMOATCHILIK ASOSDA)

SOS O'zbekiston Bolalar Mahallalari  uyushmasi — xalqaro nodavlat notijorat tashkilot bo‘lgan SOS Children’s Villages International (www.sos-childrensvillages.org) tarkibiga kiruvchi uyushma hisoblanadi. Asosiy vazifasi — ota-onasiz qolgan yoki ota-onasining qaramogidan mahrum bo‘lish xavfi ostida bo‘lgan bolalarni qo‘llab-quvvatlash, bolalar huquqlarini himoya qilish hamda shu yo‘nalishda mos dastur va loyihalarni amalga oshirishdir. Uyushma Toshkent, Samarqand va Xorazm viloyatlarida faoliyat olib boradi (www.sos-kd.uz).

SOS O'zbekiston Bolalar Mahallalari uyushmasi o‘z missiyasini qo‘llab-quvvatlovchi va manfaatdor bo‘lgan shaxslarni uyushmaga a’zo bo‘lishga, bepul asosda, taklif etadi.

Talablar:

• Yuqori axloqiy me’yorlarga amal qilish va halollik;
• Uyushmaning notijorat va dunyoviy xarakterini tan olish va uni saqlashga sodiqlik;
• Bolalar huquqlari va ijtimoiy taraqqiyotga qiziqish, uyushmaning maqsadlariga hissa qo‘shishga motivatsiya;
• Manfaatlar to‘qnashuvi yo‘qligi (SOS O'zbekiston Bolalar Mahallalari uyushmasining xodimi emas, xodim yoki Kuzatuv kengashi a’zosi bilan qarindoshlik aloqasi yo‘q, uyushma bilan tijoriy munosabatda emas);
• Strategik va uzoq muddatli fikrlash qobiliyati.

Uyushma a’zolaridan kutilayotgan majburiyatlar:

• Yiliga kamida bir marotaba uyushma yig‘ilishida ishtirok etish (zarurat tug‘ilganda navbatdan tashqari yig‘ilishlar bo‘lishi mumkin);
• Boshqaruv kengashi a’zolarini saylash va strategik rejalarni tasdiqlash kabi asosiy qarorlarni qabul qilishda ishtirok;
• Uyushma tadbirlarida qatnashish;
• SOS O'zbekiston Bolalar Mahallalari  uyushmasining missiyasi va qadriyatlarini ilgari surish;
• Tashkilot mulki yoki moliyaviy boshqaruviga da’vosiz, bepul asosda xizmat ko‘rsatish;
• Kelajakda Boshqaruv kengashi a’zosi bo‘lishga tayyorlik va qiziqish (yiliga 4 marta yig‘ilish, qayta saylash har uch yilda amalga oshiriladi).
• Yaxshi boshqaruv va turli yondashuvlarni ta’minlash maqsadida uyushmaga quyidagi sohalardagi mutaxassislar jalb etilishi mumkin: ijtimoiy va bolalar masalalari, boshqaruv, xayriya va PR, davlat va biznes bilan aloqa, moliyaviy boshqaruv, huquq. A’zolardan o‘z kasbiy yo‘nalishidan tashqariga chiqib, tashkilotga keng qamrovli yondashuv kutiladi.

Biz nimani taklif qilamiz:

• O‘zbekiston bolalari va oilalari hayotiga ijobiy ta’sir ko‘rsatish imkoniyati;
• Bolalar manfaatlarini ko‘zlagan xalqaro uyushmaning strategik yo‘nalishini shakllantirishda ishtirok;
• Milliy va xalqaro miqyosda fidokor mutaxassislar bilan hamkorlik;
• Samarali boshqaruv va ijtimoiy rivojlanish bo‘yicha tajriba orttirish;
• Fuqarolik jamiyati rivoji va ijtimoiy ta’sirga qo‘shgan hissangiz e’tirof etiladi.

Qo‘shimcha ma’lumot:

• Faqatgina rezyume (CV) va motivatsion xat bilan birga recruitment@sos-kd.uz elektron manziliga yuborilgan arizalar ko‘rib chiqiladi;
• Nomzodlar qo‘shimcha tanlov bosqichiga taklif qilinishi mumkin.