22.04.2022
“Samarqand viloyatida geytkiping mexanizmlarini joriy etish” mavzusida seminar bo‘lib o‘tdi
2022-yil 22-aprel kuni SOS O‘zbekiston bolalar mahallalari uyushmasining Samarqand shahar filialida “Samarqand viloyatida ijtimoiy yetimlikning oldini olish maqsadida geytkiping mexanizmlarini joriy etish” mavzusida seminar bo‘lib o‘tdi. Tadbirda Samarqand viloyat hokimligi Bolalarni himoya qilish masalalari kotibiyati mudiri, shahar va tuman hokimiyati bolalarni himoya qilish sho'ba mutaxassislari, viloyat milliy gvardiya boshqarmasi, voyaga yetmaganlar ishlari bo‘yicha prokuratura va ichki ishlar xodimlari, va boshqa mutassadi tashkilot hodimlari ishtirok etishdi.
Tadbirni ochib bergan SOS O‘zbekiston bolalar mahallalari uyushmasining Samarqand shahar filiali direktori – D.Davronova va Samarqand viloyat hokimligi Bolalarni himoya qilish masalalari kotibiyati mudiri – Sh. Quvvatov geytkiping tizimi va oila institutini mustahkamlash muhimligini ta’kidladi. Shuni ham ta’kidlash joizki, geytkipingning asosiy maqsadi bolalarni muqobil parvarish qilish uchun faqatgina zarur bo‘lganda joylashtirish va unda ham birinchi navbatda bolaning shaxsiy ehtiyojlarini hisobga olishni ta’minlash. Geytkiping mexanizmi bolalarni o‘z oilasidan ajratilishining oldini olish imkonini beradi, bolani joylashtirishdan oldin oilaga yordam ko‘rsatish yoki bolani yaqin qarindoshlarining qaramog‘iga berish imkoniyatlarini qo‘rib chiqilishini kafolatlaydi. Ushbu tamoyillar va shartlarga rioya qilish bolalar uchun muqobil joylashtirishning keng ko‘lamli shakllarini talab qilganligi sababli, geytkiping tizimi bolalarni parvarish qilishni noinstitutsionallashtirish g‘oyalari va jarayoni bilan ham chambarchas bog‘liq.
 |
.jpg) |
Tadbirda bolalar farovonligini oshirish va aholini ijtimoiy muhofaza qilish borasidagi faoliyatni amalga oshiruvchi tashkilotlar tomonidan ijtimoiy himoyaga muhtoj oilalar bilan olib borilayotgan ishlar yuzasidan fikr almashildi. Taqdimotlarni tinglab, ishtirokchilar Samarqand viloyatida bolalar va oilalarni qo‘llab quvvatlash sohasida faoliyat yurituvchi tashkilotlarning o‘zaro hamkorlikni kuchaytirishni maqsad qilib qo‘yishdi.